နိုဝင်ဘာလ ၂ရက် အင်္ဂါ နိ ၂၀၁၀ ခုနှစ်။
စစ်တွေ (ခိုင်ရိုးမ)။ ။ ရခိုင်ပြည်သူ အများစုရေ မိမိရို့ကိုယ်အမျိုးသားပါတီကိုရာ အားပီးလာဖို့လို့
ဒေသခံတိကပြော ပါရေ။ ဒေ အပါတ်မှာ ကျင်းပဖို့ရှိရေ ရွီးကောက်ပွဲ အပေါ် ဒေသခံတိက စိတ်ဝင်စားမှု အားနည်းရေလို့လည်းသိရပါရေ။
အလယ်တန်းပြ ကျောင်းဆ၇ာမ ( မင်းပြားမြို့)
“ရှင်းရှင်းပြောရဖို့ဆိုကေ စိတ်ဝင်စားမှု မရှိပါ။ ပါတီမူဝါဒတိကိုလည်း မသိပါ။ ဇာပါတီကိုမဲထည့်ရဖို့ဆိုစွာကို မပြောတတ်ပါဒေ။ ကျောင်းစာနန့်အချိန်ကုန်နီခါ။ ယေဒါလဲ ရွီးကောက်ပွဲခါတော့ ကိုယ်ရို့ အမျိုးသားပါတီတခုခုကိုတော့ အားပီးချင်ပါရေ။ ရွီးကောက်ပွဲကိုတော့ မျှော်လင့် ချက် မထားပါဒေ။ အကျွန်စိုင်းစားမိစွာတခုက ကျောင်းသုံးစာမှာကိုယ်ရို့စာပီထည့်သွင်နိုင်ဖို့လား ဆိုစွာကိုပါ”
အိမ်ရှင်မတဦး (သံတွဲမြို့)
”စိတ်ဝင်မစားပါ။ ကိုယ့်အလုပ်နန့်ကိုယ်ဆိုခါ။ မဲပီးဖို့ကျရေ ခါ ကောင်းရေပါတီတခုကိုမဲပီးဖို့ပါဗျာယ်။ ဒေမှာလဲယပိုင်းပါရာ စိတ်ဝင်စားမှု မရှိပါဒေ။ တခြားလူတိလဲ ဇာပါတီကို မဲထည့်ကတ်ဖို့ဆိုကေ ဒေမှာက နိုင်ငံရေးကောင်းစိတ်မ၀င်စားကတ်ပါဒေ”
စီးပွားရေးလုပ်ငန်းရှင်( ကျောက်ဖြူမြို့)
“ဂနိထိ ကျနော်မပြောတတ်ပါသိမ့်။ စီးပွားရေးကိစ္စနန့်ဆိုခါ။ ယေဒါလဲ ကျနော်ခံယူထားစွာက စီးပွားရေးမူဝါဒ တရပ် ပြောင်းလဲ ပီးနိုင်ရေ ပါတီကိုတော့ စိတ်ဝင်စားပါရေ။ ပါတီတိကလဲ အားပြိုင်နီးကတ်တေခါ။ဒေရွီးကောက်ပွဲမှာတော့ ကိုယ့်အမျိူးသားပါတီ တခုခုက လွှတ်တော်မှာရောက်နိုင်ရေ ကောင်းဖို့လို့မျှော်လင့်ပါရေ”
ဘင်္ဂလီ အမျိုးသမီး( မောင်တောမြို့)
“ကိုယ်ရို့ပါတီကို စိတ်ဝင်စားပါရေ လူကြီးတိကလဲပြောထားပါရေ။ ကိုယ်ရို့ပါတီကိုမဲပီးဖို့အတွက်။ တခြားပါတီတ်ိလဲ ရှိကတ်ပါယင့် ယေဒါလဲ ကိုယ်ရို့ပါတီကို ပိုစိတ်ဝင်စားပါရေ”
အစိုးရ၀န်ထမ်း( စစ်တွေမြို့)
“ဒေမှာတော့ ငါ့ပါတီ သူ့ပါတီ အားပြိုင်နီးကတ်ပါရေ။ လူတိကလဲဇာပါတီကို ထည့်ရကောင်းမှန်းမသိဖြစ်နီကတ်တေ။ ဒေမှာပြောနီ ကတ်စွာက ရခိုင်ပါတီတိကိုရာစိတ်ဝင်စားကတ်တေ”
နိုင်ငံရေးလေ့လာသူတဦး (ပုဏ္ဌားကျွန်းမြို့)
“ဇာပင်ဖြစ်ဖြစ်ရလာရေ အခွင့်အရေးတရပ်ကို ဆုပ်ကိုင်ပနာ ရခိုင်အကျိုးအတွက် လုပ်သင့်ဗျာယ်လို့ယူဆပါရေ။ ၉၀ ရွီးကောက်ပွဲက လဲရခိုင်ပါတီက အမတ်၁၁ နီရာ ရခစွာကိုလဲသိထားသင့်ပါရေ။ ၂၀၀၈ ဖွဲ့စည်းပုံကိုကြိုက် ကြိုက် မကြိုက်ကြိက် ကိုယ်ရို့လုပ် ရဖို့တာဝန်ကို ကျီပွန်အောင် လုပ်ရပါဖို့။ ဒေရွီးကောက်ပွဲမှာတော့ ရခိုင်က နိုင်စီချင်ပါရေ”